RISOPRENT

Risoprentun byggist á að yfirfæra myndverk á stensil. Viðeigandi litatromla er sett í prentvélina sem útbýr stensill/master á filmu og vefur honum svo utan um prenttromluna. Þegar prentað er færist pappírinn flatur undir tromluna sem snýst  og þrýstir farvanum/litnum í gegnum stensilinn og færir þannig myndverkið á pappírinn. Einn litur er prentaður í einu í mikilli upplausn (600dpi). Ef nota á fleiri liti þarf að skipta út tromlu og pappírinn er settur aftur í gegnum vélina.

Fyrstu Riso prentvélarnar komu á markað á áttunda áratug síðustu aldar og hafa verið notaðar til fjölföldunar í stórum stofnunum, kirkjum og skólum um allan heim.  Á síðustu árum hafa hönnuðir, ljósmyndarar, teiknarar og myndlistarmenn tekið prenttækninni fagnandi með sínum hreinu litum, miklu upplausn og einstakri útkomu.

UMHVERFIÐ

Prentfarvinn er  unnin úr olíu sem unnin er úr hrísgrjónahíði og inniheldur engin VOC * efni sem gerir Risograph að einni umhverfisvænustu prentaðferð í heimi. Svo er masterinn/stensillinn unninn úr bananatrefjum:D

* VOC- Volatile Organic Compounds. óstöðug lífræn efnasambönd eins og t.d. bensín og mynda óhollar gufur við þornun. VOC efni má meðal annars finna í málningu, úðabrúsum, lími og  skordýraeitri.

LITIR

Við erum með 7 liti á lager - rauðan, grænan, bláan, gulan, appelsínugulan, gylltan og svartan. Riso blek hefur hálfgagnsæjan eiginleika sem gerir það ð verkum að skemmtilegt er að blanda við aðra liti. Hægt er að nálgast prentaðar litaprufur hjá okkur í Álfheimunum.

 VERÐDÆMI - risoprent - A3

VERÐDÆMI - risoprent - A3  þar sem einn af litunum er Metallic gold

ATH! Verðin eru með skurði og pappír en ÁN virðisaukaskatts.

Lágmarksupplag er 20 stk. og verðin miðast við að fá tilbúin prentskjöl, sjá leiðbeiningar um skil prentskjala HÉR

Hægt er að fá prentað prufueintak og kostar það 4.500 kr. +vsk (miðað við eins lita prent)

Við bjóðum uppá 20% nemaafslátt af risoprentun gegn framvísun skólaskírteinis.