Farvi fer óhefðbundnar og umhverfisvænar leiðir þegar kemur að prentaðferðum - við höfum prentað fyrir hönnuði, listamenn og fyrirtæki með umhverfisvænum efnum á lífræna bómull síðan 2013.

-----------------------------------------

Silkiprent er um þúsund ára gömul kínversk prenttækni og dregur nafnið sitt af silkinu sem þá var notað í prentrammana. Í dag hefur polyester efni leyst silkið af hólmi. Stensilkvoða er sett í rammann, grafík prentuð á glæru og rammi lýstur með útfjólubláu ljósi með glæruna á milli. Kvoðan er ljósnæm og herðist við útfjólublátt ljós og eftir verður stensill í rammanum sem við þrýstum prentlitum í gegn.

Við bjóðum uppá silkiprentun/handprentum á hin ýmsu efni og ber þar helst að nefna pappír, lífræna bómull, kork og tré. 

Við leggjum mikið uppúr umhverfisþættinum og prentum því með umhverfisvænum vatnsblandanlegum prentlitum án PVC plastefna og þalíns (Phthalate). Prentið er svo hitað upp í 175° sem festir það við þræði efnisins og þannig er hægt að þvo efnið.

Allt vatn sem við notum í skolvaskinum fer í gegnum 5 þrepa vatnshreinsikerfi áður en við skilum því frá okkur.

-----------------------------------------

Farvi er viðurkenndur söluaðili Stanley/Stella á Íslandi og getum sérpantað úr öllum þeirra vörulista. Stanley/Stella leggur mikið uppúr vandaðri og umhverfisvænni framleiðslu og notar eingöngu lífræn eða endurunnin efni.

-----------------------------------------

Lágmarksupplag fyrir eins lita prentun er 20 eintök og 50 eintök fyrir tveggja lita prentun.

ATH. við prentum eingöngu á fatnað sem við útvegum sjálf og þekkjum.

Við getum:

• líka útvegað alla vegana poka, boli eða peysur frá helstu framleiðendum.
• prentað allt uppí fjóra liti í einu.
• sérblandað liti (50+ eintök).
• prentað með endurskinsfarva (viðbótarkostnaður 100-200 kr. per prent).

 fyrirspurnir sendist á farvi(hjá)farvi.is

-----------------------------------------

Hér eru nokkur verðdæmi um prentun á algengum vörum.