Farvi fer óhefðbundnar leiðir þegar kemur að prentaðferðum og bjóðum við uppá risoprentun annars vegar og silkiprentun hins vegar.

RISOPRENT

Risoprentun byggist á að yfirfæra myndverk á stensil. Viðeigandi litatromla er sett í prentvélina sem útbýr stensill/master á filmu og vefur honum svo utan um prenttromluna. Þegar prentað er færist pappírinn flatur undir tromluna sem snýst  og þrýstir farvanum/litnum í gegnum stensilinn og færir þannig myndverkið á pappírinn. Einn litur er prentaður í einu í mikilli upplausn (600dpi). Ef nota á fleiri liti þarf að skipta út tromlu og pappírinn er settur aftur í gegnum vélina.

Fyrstu Riso prentvélarnar komu á markað á áttunda áratug síðustu aldar og hafa verið notaðar til fjölföldunar í stórum stofnunum, kirkjum og skólum um allan heim.  Á síðustu árum hafa hönnuðir, ljósmyndarar, teiknarar og myndlistarmenn tekið prenttækninni fagnandi með sínum hreinu litum, miklu upplausn og einstakri útkomu.

UMHVERFIÐ

Prentfarvinn er  unnin úr olíu sem unnin er úr hrísgrjónahíði og inniheldur engin VOC * efni sem gerir Risograph að einni umhverfisvænustu prentaðferð í heimi. Svo er masterinn/stensillinn unninn úr bananatrefjum:D

* VOC- Volatile Organic Compounds. óstöðug lífræn efnasambönd eins og t.d. bensín og mynda óhollar gufur við þornun. VOC efni má meðal annars finna í málningu, úðabrúsum, lími og  skordýraeitri.

LITIR

Við erum með 7 liti á lager - rauðan, grænan, bláan, gulan, appelsínugulan, gylltan og svartan. Riso blek hefur hálfgagnsæjan eiginleika sem gerir það ð verkum að skemmtilegt er að blanda við aðra liti.

 VERÐDÆMI - risoprent - 1 litur

VERÐDÆMI - risoprent - 2 litir

ATH! Verðin eru með skurði og pappír en ÁN virðisaukaskatts. Miðast við að fá tilbúin prentskjöl, sjá leiðbeiningar um skil prentskjala hér.

Gullliturinn (metallic gold) er tvöfalt dýrari og reiknast þannig í verðflokki 2 litir.

*inniheldur ekki innbindingu heldur "einungis" prentaðar arkirnar.

SILKIPRENT

Silkiprent er um þúsund ára gömul kínversk prenttækni og dregur nafnið sitt af silkinu sem notað var í prentrammana. Í dag er hefur polyester efni leyst silkið af hólmi. Stensilkvoða er sett í rammann, grafík prentuð á glæru og rammi lýstur með útfjólubláu ljósi með glæruna á milli. Kvoðan er ljósnæm og herðist við útfjólublátt ljós

Við bjóðum uppá silkiprentun á hin ýmsu efni og ber þar helst að nefna pappír, bómul og tré. Við silkiprentum í höndum með umhverfisvænum vatnsblandanlegum prentlitum án PVC plastefn og Þalíns (Phthalate).

Prentið er svo hitað/bakað upp í 175° sem festir það við þræði efnisins.

 VERÐDÆMI- silkiþrykk

Innifalið í verði er startkosnaði, prentun í einum lit og pappír, poki, bolur eða  viskastykki.

 ATH! verðin eru ÁN virðisaukaskatts.