Kennarar, samstaða skiptir máli – frá Eldey til Siglufjarðar

Í Kastljósþætti á RÚV þann 30. janúar sl. útskýrði formaður Kennarasambands Íslands, Magnús Þór Jónsson, stöðuna í kjaradeilu kennara á eftirfarandi hátt. 

Ef við horfum á Íslandskort þá er eins og sérfræðingar í fræðslustarfssemi séu geymdir úti í Eldey undir meðallaunum en þyrftu að komast til draumaríkisins Siglufjarðar til að fá sambærileg kjör á við aðra sérfræðinga.

Kennarafélag Reykjavíkur í samstarfi við Farva – gallery hefur ákveðið að bjóða kennurum upp á að kaupa stuttermaboli, poka eða barmmerki með táknmynd þessara orða formannsins. Um er að ræða tvær pílur sem vísa í sitthvora áttina. Önnur út í Eldey og hin til Siglufjarðar, svo er fjöldi km frá húsi Kennarasamband Íslands í Borgartúni að þessum stöðum tilgreindur. Grunnliturinn er svartur og letur gult.

Við ætlum okkur alla leið.

Með þessu viljum við sýna forystunni stuðning og jafnframt samtaka mátt okkar í baráttunni.

Stjórn Kennarafélags Reykjavíkur

Farvi hannaði bolinn fyrir Kennarafélag Reykjavíkur og rennur hluti af söluandvirðinu til félagsmanna.

Handþrykkt á prentverkstæði okkar í Álfheimum með umhverfisvænum, vatnsblandanlegum prentlitum sem eru án PVC plastefna og Þalíns. Prentið er svo hitað upp í 175°C sem festir það við þræði efnisins og því hægt að þvo það.

Bolurinn er úr 180 gsm þykkri lífrænni bómull frá Stanley/Stella - unisex stærðir - medium fit - XS-3XL

Endilega sendið okkur myndir af kennurum og stuðningsfólki í bolum og við bætum þeim hér inn